2015 جىلعى 14 ءساۋىر, استانا قالاسى
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل
جولدارى كوميتەتى» رەسپۋبليكالىق مەملەكەتتىك مەكەمەسىنىڭ ەرەجەسىن بەكىتۋ تۋرالى
«قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كەيبىر ماسەلەلەرى» قازاقستان رەسپۋبليكاسى ۇكىمەتىنىڭ 2014 جىلعى 19 قىركۇيەكتەگى № 995 قاۋلىسىنا سايكەس بۇيىرامىن:
1. قوسا بەرىلىپ وتىرعان «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتى» رەسپۋبليكالىق مەملەكەتتىك مەكەمەسىنىڭ ەرەجەسى بەكىتىلسىن.
2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتى (م.ق.پىشەمباەۆ) زاڭنامامەن بەلگىلەنگەن تارتىپتە:
1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن;
2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى;
4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن.
3. «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2014 جىلعى № 69 بۇيرىعىنىڭ كۇشى جويىلدى دەپ تانىلسىن (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 9830 بولىپ تىركەلدى, 2014 جىلعى 30 قازاندا «ادىلەت» اقپاراتتىق-قۇقىقتىق جۇيەسىندە جاريالاندى).
4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ينۆەستيتسيالار جانە دامۋ ءبىرىنشى ۆيتسە-ءمينيسترى ج.م. قاسىمبەككە جۇكتەلسىن.
5. وسى بۇيرىق ونىڭ العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ
قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ
2015 جىلعى 14 ساۋىردەگى №442 بۇيرىعىمەن بەكىتىلگەن
«قازاقستان رەسپۋبليكاسى ينۆەستيتسيالار جانە دامۋ مينيسترلiگiنiڭ اۆتوموبيل جولدارى كوميتەتi» رەسپۋبليكالىق مەملەكەتتىك مەكەمەسىنىڭ ەرەجەسى
1. جالپى ەرەجەلەر
1. «قازاقستان رەسپۋبليكاسى ينۆەستيتسيالار جانە دامۋ مينيسترلىگىنiڭ اۆتوموبيل جولدارى كوميتەتi» رەسپۋبليكالىق مەملەكەتتىك مەكەمەسى (بۇدان ءارi – كوميتەت) قازاقستان رەسپۋبليكاسى ينۆەستيتسيالار جانە دامۋ مينيسترلiگiنىڭ (بۇدان ءارى – مينيسترلىك) رەتتەۋ جانە ىسكە اسىرۋ فۋنكتسيالارىن جۇزەگە اسىراتىن, سونداي-اق اۆتوموبيل جولدارى سالاسىنداعى مينيسترلىكتىڭ ستراتەگيالىق فۋنكتسيالارىن ورىنداۋعا قاتىساتىن ۆەدومستۆوسى بولىپ تابىلادى.
2. كوميتەت ءوز قىزمەتiن قازاقستان رەسپۋبليكاسىنىڭ كونستيتۋتسياسى مەن زاڭدارىنا, قازاقستان رەسپۋبليكاسى پرەزيدەنتiنىڭ جانە ۇكiمەتiنiڭ اكتىلەرىنە, وزگە دە نورماتيۆتiك قۇقىقتىق اكتىلەرگە, سونداي-اق وسى ەرەجەگە سايكەس جۇزەگە اسىرادى.
3. كوميتەت رەسپۋبليكالىق مەملەكەتتiك مەكەمەنiڭ ۇيىمداستىرۋشىلىق-قۇقىقتىق نىسانىنداعى زاڭدى تۇلعا بولىپ تابىلادى, ءوز اتاۋى مەملەكەتتiك تiلدە جازىلعان ءمورi مەن ءمورتاباندارى, بەلگiلەنگەن ۇلگiدەگi بلانكiلەرi, زاڭناماعا سايكەس قازىناشىلىق ورگاندارىندا شوتتارى بولادى.
4. كوميتەت ءوز اتىنان ازاماتتىق-قۇقىقتىق قاتىناستارعا تۇسەدi.
5. كوميتەت ەگەر زاڭناماعا سايكەس وعان ۋاكىلەتتى بولسا, ونىڭ مەملەكەت اتىنان ازاماتتىق-قۇقىقتىق قاتىناستاردىڭ تاراپىندا بولۋعا قۇقىعى بار.
6. كوميتەت ءوز قۇزىرەتiنىڭ ماسەلەلەرى بويىنشا زاڭنامادا بەلگiلەنگەن تارتiپتە توراعانىڭ بۇيرىقتارىمەن رەسىمدەلەتىن شەشىمدەردى قابىلدايدى.
7. كوميتەتتiڭ قۇرىلىمىن جانە شتات سانىن قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ كەلىسىمى بويىنشا قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ جاۋاپتى حاتشىسى بەكiتەدi.
8. كوميتەتتiڭ ورنالاسقان جەرى: قازاقستان رەسپۋبليكاسى, 010000, استانا قالاسى, ەسىل اۋدانى, قابانباي باتىر داڭعىلى, 32/1, «ترانسپورت تاۋەر» عيماراتى.
9. كوميتەتتiڭ تولىق اتاۋى – «قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ اۆتوموبيل جولدارى كوميتەتi» رەسپۋبليكالىق مەملەكەتتiك مەكەمەسى.
10. وسى ەرەجە كوميتەتتiڭ قۇرىلتاي قۇجاتى بولىپ تابىلادى.
11. كوميتەتتiڭ قىزمەتiن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى.
12. كوميتەتكە كاسiپكەرلiك سۋبەكتiلەرىمەن كوميتەتتiڭ فۋنكتسيالارى بولىپ تابىلاتىن مiندەتتەردi ورىنداۋ تۇرعىسىندا شارتتىق قاتىناستارعا تۇسۋگە جول بەرىلمەيدى.
ەگەر كوميتەتكە كىرىس اكەلەتiن قىزمەتتi جۇزەگە اسىرۋعا قازاقستان رەسپۋبليكاسىنىڭ زاڭنامالىق اكتىلەرىمەن قۇقىق بەرiلگەن بولسا, وندا وسىنداي قىزمەتتەن تۇسكەن كىرىس رەسپۋبليكالىق بيۋدجەتتiڭ پايداسىنا جiبەرiلەدi.
2. كوميتەتتىڭ ميسسياسى, نەگىزگى مىندەتتەرى, فۋنكتسيالارى, قۇقىقتارى مەن مىندەتتەرى
13. ميسسياسى: جالپىعا ورتاق پايدالانىلاتىن اۆتوموبيل جولدارىن دامىتۋدىڭ مەملەكەتتىك ساياساتىن قالىپتاستىرۋعا قاتىسۋ.
14. مىندەتى: جالپىعا ورتاق پايدالانىلاتىن اۆتوموبيل جولدارى سالاسىنداعى مەملەكەتتىك ساياساتتى قالىپتاستىرۋعا جانە ىسكە اسىرۋعا قاتىسۋ.
فۋنكتسيالارى:
1) كوميتەتتىڭ قۇزىرەتى شەگىندە رەتتەۋ جانە ىسكە اسىرۋ فۋنكتسيالارىن جۇزەگە اسىرۋ جانە مينيسترلىكتىڭ ستراتەگيالىق فۋنكتسيالارىن ورىنداۋعا قاتىسۋ;
2) ءوز قۇزىرەتi شەگiندە حالىقارالىق ىنتىماقتاستىقتى جۇزەگە اسىرۋ;
3) قازاقستان رەسپۋبليكاسىنىڭ جۇمىلدىرۋ دايىندىعى جانە جۇمىلدىرۋ سالاسىنداعى زاڭدارى مەن وزگە دە نورماتيۆتiك قۇقىقتىق اكتiلەرiنiڭ ساقتالۋىن قامتاماسىز ەتۋ;
4) ۇلتتىق قاۋiپسiزدiك سالاسىنداعى زاڭدار مەن وزگە دە نورماتيۆتiك قۇقىقتىق اكتiلەردiڭ ساقتالۋىن قامتاماسىز ەتۋ;
5) قازاقستان رەسپۋبليكاسىنىڭ اتىنان جاسالاتىن قازاقستان رەسپۋبليكاسىنىڭ حالىقارالىق شارتتارى بويىنشا مىندەتتەمەلەردى ورىنداۋ;
6) جول سالاسىنداعى ينۆەستيتسيالىق جانە الەۋمەتتiك ساياساتتى iسكە اسىرۋ.
15. مىندەتى: جالپىعا ورتاق پايدالانىلاتىن اۆتوموبيل جولدارى سالاسىندا مەملەكەتتىك باسقارۋعا قاتىسۋ.
فۋنكتسيالارى:
1) ءوز قۇزىرەتى شەگىندە ۇلتتىق قاۋiپسiزدiكتi قامتاماسىز ەتۋ جونiندەگi ءىس-شارالاردى جوسپارلاۋ جانە وتكiزۋ بويىنشا ۆەدومستۆولىق باعىنىستى ۇيىمداردىڭ قىزمەتiنە باسشىلىق ەتۋ;
2) قازاقستان رەسپۋبليكاسى ۇكىمەتىنىڭ شەشىمى بويىنشا اكتسيالاردىڭ مەملەكەتتىك پاكەتىنە (جارعىلىق كاپيتالداعى قاتىسۋ ۇلەسى) يەلىك ەتۋ جانە پايدالانۋ قۇقىعىن, سونداي-اق رەسپۋبليكالىق مەملەكەتتىك كاسىپورىندار مەن مەملەكەتتىك مەكەمەلەرگە قاتىستى مەملەكەتتىك باسقارۋدىڭ ءتيىستى سالاسىنا (اياسىنا) باسشىلىق ەتۋ جونىندەگى ۋاكىلەتتى ورگاننىڭ فۋنكتسيالارىن جۇزەگە اسىرۋ;
3) جالپىعا ورتاق پايدالانىلاتىن اۆتوموبيل جولدارىن مەملەكەتتiك ەسەپكە الۋدى جۇزەگە اسىرۋ;
4) وبلىستىق ماڭىزى بار جالپىعا ورتاق پايدالانىلاتىن اۆتوموبيل جولدارىنىڭ اتاۋلارى مەن يندەكستەرiن كەلiسۋ;
5) وبلىستىق ماڭىزى بار جالپىعا ورتاق پايدالانىلاتىن اۆتوموبيل جولدارىنىڭ تiزبەسiن كەلiسۋ;
6) مەملەكەتتiك تاپسىرمانى ورىنداۋ شەڭبەرiندە ۇلتتىق وپەراتوردى قارجىلاندىرۋ;
7) اۆتوموبيل جولدارىن سالۋ, رەكونسترۋكتسيالاۋ, جوندەۋ جانە كۇتىپ-ۇستاۋ كەزiندە تالاپ ەتiلەتiن ساپانى جوبالاۋ سالاسىندا قابىلدانعان نورمالار مەن ستاندارتتاردىڭ ساقتالۋىن قامتاماسىز ەتۋ;
8) اقىلى اۆتوموبيل جولدارىن (ۋچاسكەلەردى) قۇرۋ مەن پايدالانۋدى باقىلاۋدى جۇزەگە اسىرۋ;
9) حالىقارالىق جانە رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولدارىنا بولiنگەن بەلدەۋدiڭ جول ورگاندارى, ۇلتتىق وپەراتور نەمەسە كونتسەسسيونەر پايدالانبايتىن جەر ۋچاسكەلەرiن جولدىڭ كولiكتiك-پايدالانىلۋ ساپاسىنىڭ تومەندەۋiنە جول بەرمەۋ, كولiك قۇرالدارى ءجۇرiسiنiڭ قاۋiپسiزدiگi مەن قورشاعان ورتانى قورعاۋ تالاپتارىن ساقتاۋ شارتىمەن سىرتقى (كورنەكi) جارنامانى ورنالاستىرۋ ءۇشiن جەكە جانە زاڭدى تۇلعالارعا ۋاقىتشا قىسقا مەرزiمدi جەر پايدالانۋعا بەرۋ;
10) قىسىلتاياڭ جاعدايلاردا (قولايسىز اۋا رايى-كليمات جاعدايلارى, دۇلەي ءزىلزالالار, ءورت, اۆتوموبيل جولدارىنىڭ كوتەرگىشتىك قابiلەتiنiڭ جويىلۋى), سونداي-اق جوندەۋ-قۇرىلىس جۇمىستارى جۇرگiزiلگەن كەزدە جول ءجۇرىسىنىڭ قاۋىپسىزدىگى جونىندەگى ورگانمەن جانە توتەنشە جاعدايلار جونىندەگى ۋاكىلەتتى ورگانمەن بىرلەسە وتىرىپ, تيiستi جول بەلگiلەرiن قويىپ جانە بۇقارالىق اقپارات قۇرالدارى ارقىلى بۇل جونiندە جەرگiلiكتi اتقارۋشى ورگانداردى جانە اۆتوموبيل جولدارىن پايدالانۋشىلاردى حاباردار ەتە وتىرىپ, كولiك قۇرالدارىنىڭ جول ءجۇرiسiن شەكتەۋ نەمەسە توقتاتۋ جانە اۆتوموبيل جولدارىن پايدالانۋ قاعيدالارىنىڭ ساقتالۋىن باقىلاۋدى جۇزەگە اسىرۋ;
11) سوتتارعا قازاقستان رەسپۋبليكاسىنىڭ زاڭناماسىنا سايكەس تالاپ-ارىزدار بەرۋ.
16. مىندەتى: جالپىعا ورتاق پايدالانىلاتىن اۆتوموبيل جولدارى سالاسىندا نورماتيۆتىك قۇقىقتىق اكتىلەردى ازىرلەۋ جانە بەكىتۋ.
فۋنكتسيالارى:
1) ادام مەن ازاماتتىڭ قۇقىقتارى مەن بوستاندىقتارىن قوزعايتىن نورماتيۆتىك قۇقىقتىق اكتىلەردى قوسپاعاندا, كوميتەتتىڭ قۇزىرەتىنە كىرەتىن ماسەلەلەر بويىنشا جانە ءمينيستردىڭ بۇيرىقتارىندا ولاردى بەكىتۋ بويىنشا تىكەلەي قۇزىرەتى بولعان كەزدە نورماتيۆتىك قۇقىقتىق اكتىلەردى بەكىتۋ;
2) ءوز قۇزىرەتى شەگىندە نورماتيۆتىك قۇقىقتىق اكتىلەردى ازىرلەۋ, كەلىسۋ جانە بەكىتۋ;
3) مەملەكەتتىك كورسەتىلەتىن قىزمەتتەر ستاندارتتارى مەن رەگلامەنتتەرىن ازىرلەۋ;
4) ساپاعا ساراپتاما جۇرگiزۋ جونiندەگi زاڭدى تۇلعالاردىڭ اۆتوموبيل جولدارىن سالۋ, رەكونسترۋكتسيالاۋ, جوندەۋ جانە كۇتىپ-ۇستاۋ كەزiندە جۇمىستار مەن ماتەريالداردىڭ ساپاسىنا ساراپتاما جۇرگiزۋ قاعيدالارىن ازىرلەۋ;
5) جالپىعا ورتاق پايدالانىلاتىن حالىقارالىق جانە رەسپۋبليكالىق ماڭىزى بار اۆتوموبيل جولدارىن سالۋ, رەكونسترۋكتسيالاۋ, جوندەۋ, كۇتiپ-ۇستاۋ, دياگنوستيكالاۋ, پاسپورتتاۋ جانە اسپاپتىق تەكسەرۋ جونiندەگi جۇمىستاردى iسكە اسىرۋ مەن قارجىلاندىرۋ قاعيدالارىن ازىرلەۋ;
6) حالىقارالىق جانە رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولدارىن سىنىپتاۋ ءتارتىبى مەن شارتتارىن, تىزبەسىن, اتاۋى جانە يندەكستەرىن, ونىڭ ىشىندە قورعانىس ماقساتىنداعى اۆتوموبيل جولدارىنىڭ تىزبەسىن ازىرلەۋ;
7) اۆتوموبيل جولدارىن, قورعانىستىق ماڭىزى بار جولداردى پايدالانۋ قاعيدالارىن ازiرلەۋ;
8) حالىقارالىق جانە رەسپۋبليكالىق ماڭىزى بار جالپىعا ورتاق پايدالانىلاتىن اۆتوموبيل جولدارىن جوندەۋدى جانە كۇتiپ-ۇستاۋدى قارجىلاندىرۋ نورماتيۆتەرiن ازiرلەۋ;
9) قازاقستان رەسپۋبليكاسىنىڭ اۋماعى ارقىلى اۆتوكولiك قۇرالدارىمەن ءجۇرiپ ءوتۋ ءۇشiن الىمداردى تولەۋ ءتارتiبi مەن ولاردىڭ مولشەرلەمەلەرiن ازiرلەۋ;
10) حالىقارالىق جانە رەسپۋبليكالىق ماڭىزى بار جالپىعا ورتاق پايدالانىلاتىن اقىلى اۆتوموبيل جولدارىن جانە كوپiر وتكەلدەرiن پايدالانۋ ءتارتiبi مەن شارتتارىن ازiرلەۋ;
11) جالپىعا ورتاق پايدالانىلاتىن اۆتوموبيل جولدارىنىڭ جولعا بولiنگەن بەلدەۋiندە سىرتقى (كورنەكi) جارنامانى ورنالاستىرۋ ءتارتiبiن ازiرلەۋ;
12) استانانىڭ, رەسپۋبليكالىق ماڭىزى بار قالانىڭ كوشەلەرiن, وبلىستىق جانە اۋداندىق ماڭىزى بار اۆتوموبيل جولدارىن جوندەۋ مەن كۇتiپ-ۇستاۋدى قارجىلاندىرۋ نورماتيۆتەرiن ازىرلەۋ;
13) ءوز قۇزىرەتi شەگiندە تەحنيكالىق رەگلامەنتتەر مەن ۇلتتىق ستاندارتتاردى ازىرلەۋ جونىندەگى جۇمىستى ۇيىمداستىرۋ.
17. قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسىنىڭ پرەزيدەنتى مەن ۇكىمەتىنىڭ اكتىلەرىندە جانە ءمينيستردىڭ بۇيرىقتارىندا كوزدەلگەن وزگە وكىلەتتىكتەردى جۇزەگە اسىرادى.
18. كوميتەتتىڭ قۇقىقتارى مەن مىندەتتەرى:
1) زاڭنامادا بەلگىلەنگەن تارتىپتە مينيسترلىكتىڭ قۇرىلىمدىق بولىمشەلەرىنەن, مەملەكەتتىك ورگانداردان, ۇيىمداردان, ولاردىڭ لاۋازىمدى تۇلعالارىنان قاجەتتى اقپاراتتى جانە ماتەريالداردى سۇراتادى جانە الادى;
2) قازاقستان رەسپۋبليكاسىنىڭ زاڭناماسىن جەتىلدىرۋ بويىنشا ۇسىنىستاردى ەنگىزەدى;
3) كوميتەتتىڭ قۇزىرەتىنە كىرەتىن ماسەلەلەر بويىنشا ماجىلىستەر, سەمينارلار, كونفەرەنتسيالار, دوڭگەلەك ۇستەلدەر, كونكۋرستار جانە وزگە ءىس-شارالار وتكىزەدى;
4) قىزمەتتىڭ جەتەكشىلىك ەتەتىن باعىتتارى بويىنشا كونسۋلتاتسيالىق-كەڭەسشى ورگاندار (جۇمىس توپتارى, كوميسسيالار, كەڭەستەر) قۇرۋ جونىندە ۇسىنىستاردى ەنگىزەدى;
5) ءوز قۇزىرەتىنە جاتاتىن ماسەلەلەر بويىنشا ساراپتامالارعا قاتىسۋ ءۇشىن ءتيىستى مامانداردى تارتادى;
6) كوميتەتكە جۇكتەلگەن مىندەتتەر مەن فۋنكتسيالاردىڭ ىسكە اسىرىلۋىن قامتاماسىز ەتەدى;
7) قازاقستان رەسپۋبليكاسىنىڭ زاڭناماسىن, جەكە جانە زاڭدى تۇلعالاردىڭ زاڭمەن قورعالاتىن قۇقىقتارى مەن مۇددەلەرىن ساقتايدى;
8) كوميتەتتىڭ قۇزىرەتىنە كىرەتىن ماسەلەلەر بويىنشا تۇسىنىكتەمەلەر دايىندايدى;
9) مينيسترلىكتىڭ قۇرىلىمدىق بولىمشەلەرى جانە مەملەكەتتىك ورگانداردىڭ رەسمي سۇراۋ سالۋى بويىنشا قاجەتتى ماتەريالدار مەن انىقتامالاردى ءوز قۇزىرەتى جانە زاڭناما شەگىندە ۇسىنادى;
10) كوميتەتتىڭ تەڭگەرىمىندە تۇرعان مەملەكەتتىك مەنشىكتى ساقتاۋدى قامتاماسىز ەتەدى;
11) قولدانىستاعى زاڭناماعا سايكەس بۋحگالتەرلىك ەسەپتى جۇرگىزەدى;
12) بۋحگالتەرلىك جانە قارجى ەسەپتىلىگىن جاسايدى جانە مينيسترلىككە ۇسىنادى;
13) كوميتەتتىڭ پەرسونالدى باسقارۋدىڭ تۇتاس جۇيەسىن قالىپتاستىرادى;
14) كوميتەتكە بولىنگەن بيۋدجەتتىك قاراجاتتاردى تولىق, ۋاقتىلى جانە ءتيىمدى پايدالانۋدى قامتاماسىز ەتەدى;
15) مەملەكەتتىك ساتىپ الۋ سالاسىنداعى قازاقستان رەسپۋبليكاسىنىڭ زاڭناماسىنا سايكەس مەملەكەتتىك ساتىپ الۋ راسىمدەرىن جۇرگىزەدى;
16) قازاقستان رەسپۋبليكاسىنىڭ زاڭناماسىنا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىنە سايكەس وزگە دە قۇقىقتار مەن مىندەتتەردى جۇزەگە اسىرادى.
3. كوميتەت قىزمەتىن ۇيىمداستىرۋ
19. كوميتەتكە جۇكتەلگەن مiندەتتەردiڭ ورىندالۋى مەن ءوز فۋنكتسيالارىنىڭ جۇزەگە اسىرىلۋى ءۇشiن دەربەس جاۋاپتى بولاتىن توراعا كوميتەتتى باسقارۋدى جۇزەگە اسىرادى.
20. توراعانى قازاقستان رەسپۋبليكاسى ينۆەستيتسيالار جانە دامۋ ءمينيسترى قىزمەتكە تاعايىندايدى جانە قىزمەتتەن بوساتادى.
21. توراعانىڭ مينيسترلىكتىڭ جاۋاپتى حاتشىسىنىڭ بۇيرىعىمەن قىزمەتكە تاعايىندالاتىن جانە قىزمەتتەن بوساتىلاتىن ورىنباسارلارى بولادى.
22. كوميتەت توراعاسى مينيسترلىكتىڭ باسشىلىعىنا كوميتەتتiڭ قۇرىلىمى مەن شتات كەستەسى بويىنشا ۇسىنىستار بەرەدى.
23. كوميتەت توراعاسى كوميتەتتىڭ قىزمەتىنە جالپى باسشىلىقتى جۇزەگە اسىرادى.
24. كوميتەت توراعاسى كوميتەتتىڭ زاڭ باسقارماسىنا جەتەكشىلىك ەتەدى.
25. كوميتەت توراعاسىنىڭ وكىلەتتىكتەرى:
1) جالپىعا ورتاق پايدالانىلاتىن اۆتوموبيل جولدارى سالاسىندا مەملەكەتتىك ساياساتتى قالىپتاستىرۋ بويىنشا ۇسىنىستى ازىرلەۋگە قاتىسادى;
2) ءوز قۇزىرەتى شەگىندە بۇيرىقتار شىعارادى;
3) كوميتەت قىزمەتكەرلەرىن, سونداي-اق ۆەدومستۆوعا باعىنىستى رەسپۋبليكالىق مەملەكەتتىك كاسىپورىنداردىڭ باسشىسىن, ولاردىڭ ورىنباسارلارىن, باس بۋحگالتەردى جانە كوميتەتتىڭ ۆەدومستۆوعا باعىنىستى مەملەكەتتىك مەكەمەلەرىنىڭ باسشىلارىن قىزمەتكە تاعايىنداۋ جانە بوساتۋ, ىسساپارعا, دەمالىسقا جىبەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, كوتەرمەلەۋ, ۇستەمە, سىياقى بەرۋ جانە تارتىپتىك جاۋاپكەرشىلىككە تارتۋ ماسەلەلەرىن شەشەدى;
4) مەملەكەتتىك ورگانداردا جانە وزگە دە ۇيىمداردا كوميتەتتىڭ مۇددەلەرىن بىلدىرەدى;
5) كوميتەتتىڭ قۇرىلىمدىق بولىمشەلەرى تۋرالى ەرەجەلەردى بەكىتەدى;
6) رەسپۋبليكالىق بيۋدجەتتىك باعدارلامالاردىڭ ىسكە اسىرىلۋىنا دەربەس جاۋاپتى بولادى;
7) كوميتەتتە سىبايلاس جەمقورلىققا قارسى ءىس-قيمىل بويىنشا شارالاردى قابىلدايدى جانە ول ءۇشىن دەربەس جاۋاپتى بولادى;
8) قىزمەت باعىتى بويىنشا قۇپيالىلىق ءتارتىبىن قامتاماسىز ەتۋگە بايلانىستى بارلىق قاجەتتى شارتتاردى جاساسادى جانە كوميتەت قىزمەتكەرلەرىنىڭ مەملەكەتتىك قۇپياعا رۇقسات الۋى تۋرالى وكىمىنە قول قويادى;
9) ءوز قۇزىرەتىنە جاتاتىن ماسەلەلەر بويىنشا شەشىمدەر قابىلدايدى.
26. توراعا ءوزىنىڭ ورىنباسارلارىنىڭ, كوميتەتتىڭ قۇرىلىمدىق بولىمشەلەرى باسشىلارىنىڭ جانە قىزمەتكەرلەرىنىڭ مىندەتتەرى مەن وكىلەتتىكتەرىن ايقىندايدى.
27. كوميتەت توراعاسىنىڭ ورىنباسارى:
1) ءوز وكىلەتتىكتەرى شەگىندە كوميتەتتىڭ قۇرىلىمدىق بولىمشەلەرىنىڭ قىزمەتىن ۇيلەستىرەدى;
2) وعان كوميتەت توراعاسى جۇكتەگەن وزگە دە فۋنكتسيالاردى جۇزەگە اسىرادى.
27. كوميتەتتiڭ مۇلكi
28. كوميتەتتiڭ جەدەل باسقارۋ قۇقىعىندا زاڭنامامەن كوزدەلگەن جاعدايلاردا وقشاۋلانعان مۇلكiنىڭ بولۋى مۇمكىن.
كوميتەتتiڭ مۇلكi وعان مەنشىك يەسى بەرگەن مۇلiك ەسەبىنەن, سونداي-اق قازاقستان رەسپۋبليكاسىنىڭ زاڭناماسىمەن تىيىم سالىنباعان ءوز قىزمەتى مەن وزگە دە قارجى كوزدەرىنىڭ ناتيجەسىندە ساتىپ الىنعان م ۇلىك (قارجىلاي كىرىستەردى قوسا العاندا) ەسەبiنەن قالىپتاسادى.
29. كوميتەتكە بەكiتiلىپ بەرiلگەن مۇلiك رەسپۋبليكالىق مەنشiككە جاتادى.
30. كوميتەتتىڭ وزiنە بەكiتiلiپ بەرiلگەن مۇلiكتi نەمەسە ەگەر زاڭنامامەن وزگەشە بەلگىلەنبەسە, قارجىلاندىرۋ جوسپارى بويىنشا وزىنە بولىنگەن قارجىنىڭ ەسەبىنەن ساتىپ الىنعان م ۇلىكتى وزدىگىنەن يەلiكتەن شىعارۋعا قۇقىعى جوق.
5. كوميتەتتى قايتا ۇيىمداستىرۋ جانە تاراتۋ
31. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ ازاماتتىق زاڭناماسىنا سايكەس جۇزەگە اسىرىلادى.
6. كوميتەتتىڭ ۆەدومستۆوعا باعىنىستى ۇيىمدارى
32. كوميتەتتە مىناداي ۆەدومستۆوعا باعىنىستى ۇيىمدارى بار:
1) رەسپۋبليكالىق مەملەكەتتiك كاسiپورىن:
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «قازاقاۆتوجول» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى;
2) رەسپۋبليكالىق مەملەكەتتىك مەكەمەلەر:
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «اقمولاجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «اقتوبەجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «الماتىجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «اتىراۋجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «باتىسجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «جامبىلجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «شىعىسجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «قاراعاندىجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «قىزىلورداجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «قوستانايجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «ماڭعىستاۋجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «پاۆلودارجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «سولتۇستىكجولزەرتحاناسى» رەسپۋبليكالىق مەملەكەتتىك مەكەمەسى;
قازاقستان رەسپۋبليكاسى ينۆەستيتسيالار جانە دامۋ مينيسترلىگى اۆتوموبيل جولدارى كوميتەتىنىڭ «وڭتۇستىكجولزەرتحاناسى» رەسپۋبليكالىق مەملەكەتتىك مەكەمەسى;
3) اكتسيونەرلىك قوعام:
«قازاقستان جول عىلىمي-زەرتتەۋ ينستيتۋتى» اكتسيونەرلىك قوعامى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 ساۋىردەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10914 بولىپ ەنگىزىلدى.